La Union Generela di Ladins dles Dolomites é na assoziazion culturala che se tol dant de stravardé y svilupé inant  l patrimone linguistich y cultural ladin, de valorisé les tradizions, la toponomastica y les carateristiches ladines en general.
Ala se dà ju ence per mantegnì y renforzé la coscienza ladina de duc i setours, ence tres l’adoranza di mesi de comunicazion soziala, porta inant la promozion culturala anter duc i ladins dles Dolomites y tegn contac laoran adum con les organisazions ladines dl Cianton di Grijons y dl Friu

631 plates de cronica

L liber de cronica dla Val Badia „Sas dla Crusc“ sun chel che trueps aspetova bele ert é endò dantman. En chest ann él particolarmenter rich de informazions, de coriosités y de fotografies: defat se prejenteia l liber con ben 631 plates. Pro la cronica di 12 paisc (Pederoa vegn cumpedé pro La Val) de nosta valada, él en chest ann ence n diare mai publiché dl mede de Pescol Vijo Vittur (1882 – 1942), na gran personalité de Badia. 

Na seira sot a na bona steila 

La Union di Ladins de Gherdeina (UGL) à endò n iade desmostré che te si fins ti stà dantaldut a cuer la rejoneda ladina. Dì la tia, é sté n ejempl emportant per renforzé, auzé fora y prejenté al publich operes y artisć dla leteratura ladina.
En vender seira ai  9 de mei, tla biblioteca dla Cesa di Ladins a Urtijei, él vegnù metù a ji na seira leterara olàche scritours y poec en raprejentanza de duta la Ladinia Dolomitica, à abù endò n iade na ocajion rera per se enconté y deberieda porté dant a n bel publich si scric y novités.